طب والعشرة والحكايات
وكل حاجة بينا والذكريات
وشاتنا اللي مليان أسرار
وضحكنا ليل نهار والهزار
بس خلاص وجودك مبقاش يفيد
سبتني وبعدين مشيت
في بعدك كل دا انصرف
حتى حبك اتسرق
حاولت أنتحر وفشلت
وكل حاجة وقتها اتقفلت
أنا بقيت منك مجروحة
كإني من جوايا مدبوحة
بنام وأصحى من نومي
بحاول أدراي همومي
وشاردة معظم الأوقات
بفكر في الذكريات
كان يحصل إيه لو فضلت بس جنبي
وفي شدتي معايا تواسيني
ونكمل بوعودنا
ليه الفراق مكتوب علينا؟
طب حتى كنت ابعتلي سلام
تقولي فيها إنك بخير وتمام
دا طلع فعلًا نصيب وعلينا مكتوب
وأنا قلبي الضعيف عليه مغصوب
كل ما بفكر في رجوع
بتنزل دموع
بس إيه ذنبي
ضيعت عليا سنين
بقضيهم في الحزن
فاكرة أما قولت حبنا مات
وكل اللي بينا فات
فاكرة لحظة وجع قلبي أما غيبت
مكنتش مصدقة إنك هتغيب
كان نفسي أكون ضلك
وأبقا عكازك اللي فاضلك
بس أنت جرحتني
وخذلتني وسبتني
اه محدش يعرف الحكاية
بس هي كانت أحلى بداية
كنت مفكراك كتف يشيل
يقويني وقت ما أميل
أو حتى صديق
وقت الضيق
قول إزاي هُنت عليك تودعني
وتكسر قلبي وتسيبني؟
أنت مرتاح في بعدك عني؟
طب قولي أنا أعمل إيه؟
للكاتبه:ميار تامر